Èdè Yorùbá Rẹwà: Ilé ayé ilé asán

Ilé ayé!
Ilé asán!
Àfọwọ́bàfiílẹ̀,
Ìmúlẹ̀mófo, Ayé ọ̀hún tí kò tó pọ́n,
A bùú, kò kúnwọ́,
A dàá sílẹ̀, kò seé sà,
Gbogbo ẹ̀ gbògbò ẹ̀, ẹsẹ̀ mẹfa,
Kò sí ohun táa mú wá sáyé,
Kò sì ní sí ohun táá mú lọ,
Gbogbo olówó ayé ń kú gbogbo ilé, ọkọ̀, àti ohun mèremère wọn kò ba rọrùn,
Mélòó ni gbogbo ara wa níwájú ikú?
Ẹ jẹ́ ká gbáyé se rere,
Nítorí ọjọ́ àtisùn ẹni,
Kò sí ohun táa se láyé tó gbé,
Oògùn àsegbé kan kò sí láyé níbi,
Àsepamọ́ ló wà,
Ilé ayé á kúkú tán,
Èwo làá n wayé máyà fún,
Ikú ni yóò gbẹ̀yin oníkálukú wa,
Ohun tí á tán làá pè ní Ayé,
Ẹ jẹ́ ká hùwà tó máa kuni kù ní sààréè,
Ẹ má jẹ̀ẹ́ kẹ́tàn ayé tàn wá mọ́,
Ọba òkè ni ẹ jẹ́ ká rọ̀ mọ́,
Òun ló leeè là wa,
Asán lórí asán layé yìí.
Mo sọ̀ yìí mo dúró náà.

#EdeYorubaRewa

Tuesday, 21 February 2017

Ilé ayé ilé asán

No comments:

Post a Comment

Blog Archive